Khamoshi..

Jise kehte hain khamoshi...
kabhi hai majburi to kabhi hai khushi..
samete hue apne mein kayi maayne..
kabhi chupa le raaz to kabhi dikha de sach ke aayne.
Hai khamosh vo maa jiska chirag hua hai abhi roshan..
to hai khamosh vo mamta bhi jiska sipahi hua hai dafan.
Hain lab aaj ye chup is intezaar mein ki koi humein samajh paye..
Kya hai koi jo meri aankhon ko bas yun hi padh paye??
Vo khilkhilati khamoshi kar rahi hai khushi ko zahir..
To kahin hai vo dard ko chupane mein mahir.

Ye zaruri to nahi har baat lafzon mei piroyi jaye..
Hain ehsas agar zinda to khamoshi baaton se zyada keh jaye.
Ho sakta hai tere aaspas bhi koi khamosh..
Tu thaam le haath uska aur de usko apna aagosh.
Jo khushi hai khamosh usko tu jaga de..
Jo dard hai khamosh aaj usey tu baha de.
Na samajhna kisi ki khamoshi ko uski majboori..
Vo hai uske sabr ka takatvar giri.

Hai ismei vo takat kar de mazboot rishton ko juda..
Hai ye vo ibadat jo doori pe diyale ahmiyat ka ehsaas.
Padh sake to padh le us khamoshi ka raaz..
Jagmaga de khushi ya baat le gham aaj.
Hai kitni khamosh ye khamoshi...
Kabhi hai majboori to kabhi hai khushi...

Tadap

Bheed mein bhi yeh aankhein unhe dhoondh leti hain,

Unki aahat ko yeh dhadkanein mehsoos kar leti hain.

Na jaane kyun unke didar ki ek aas rehti hai,

Aur na milne par yeh  rooh bhi saath chod deti hai.

Chahte hain ki unhe keh de ki ab ye bechainiyaan sahi nahi jaati,

Aur ek toote dil se kabhi zindagi kaati nahi jaati............

Husn

Teri ghaneri julf...ghayal kar deti h...
Teri mitthi si muskaan...pagal kar deti h...
Teri har adaa...madhosh kar deti h...
Teri tirchhi nazar...deewana kar deti h...
Teri vo chaal...bekaabu kar deti h...

Hamara bhi isme dosh kahan..
Yeh to upar wale ka kasoor h..
Jisne ek hisse me tera husn banaya h..
Aur dusre me yeh poora jahan..